XIO

xWire

Posts from every feed QUEST has found across the web — blogs, news, podcasts, channels and more.

Europa Press - Euskera

Euskera. Europa Press.

The xx, Pixies, Teddy Swims eta The War on Drugs 2027ko Bilbao BBK Live jaialdian izango dira

Bilbao BBK Live jaialdiak 2027ko uztailaren 8an, 9an eta 10ean Kobetamendin ospatuko den 21. edizioko lehen iragarpena egin du ostiral honetan, eta taldeen artean The xx, Pixies, Teddy Swims eta The War on Drugs nabarmentzen dira. "Belaunaldiak eta sentsibilitateak konektatuko dituen kartela" aurkeztu du jaialdiak, "hainbat generotako erreferenteak eta jaialdiaren musika aukera zabaltzen duten ahots berriak bilduta".

Euskararen aurkako oldarraldi judiziala salatzeko elkarretaratzea egin dute Bilboko Foru Jauregiaren aurrean

ELA eta LAB sindikatuek eta Euskalgintzaren Kontseiluak deituta, jende ugari bildu da ostiral honetan Bilboko Foru Jauregiaren aurrean, 'Oldarraldiaren aurrean: euskararekin bat, euskaraz bat' lelopean, Euskal Autonomia Erkidegoko (EAE) Auzitegi Nagusiak Bizkaiko Foru Aldundiaren Gizarte Urgazpenerako Foru Erakundearen lan deialdi bat bertan behera uzteko erabakia berretsi ondoren, euskara eskakizuna "gehiegizkoa" dela argudiatuta. Hiru erakundeek epaia salatu dute, "euskararen aurkako…

EAEko txikizkako merkataritzaren salmentak %1,7 gehitu dira urteko hirugarren hiruhilekoan

Euskal Autonomia Erkidegoko (EAE) txikizkako merkataritzaren salmentak %1,7 gehitu dira 2026ko hirugarren hiruhilekoan, iazko hiruhileko beraren aldean, prezio konstanteetan eta egutegiaren eraginak zuzendu ondoren. Aurreko hiruhilekoarekin alderatuta, berriz, prezio konstanteetako salmentak %0,3 hazi dira, dagozkien urtaro eraginak kenduta, Eustat euskal estatistika erakundearen datuen arabera.

Etxebizitza da kezka nagusia EAEko herritarren %72rentzat

Euskal Autonomia Erkidegoko (EAE) herritarren %72k etxebizitza jotzen du gizarte arazo nagusitzat, aurreko neurketan baino %12 puntu gehiagok, hain zuzen ere, eta ondoren datoz lan merkatuarekin lotutako arazoak (%40), osasungintza (%22), arazo ekonomikoak (%17), delinkuentzia eta segurtasun faltaren sentsazioa (%16), eta immigrazioa eta harekin lotutako arazoak (%13), Eusko Jaurlaritzak ostegun honetan plazaratutako 90. Euskal Soziometroaren emaitzen arabera.

Arau hauste penalak %1,2 jaitsi dira EAEn urteko lehen bederatzi hiletan

Eusko Jaurlaritzako Segurtasun Sailak 2026. urteko lehen bederatzi hilabeteetako arau hauste penalei dagozkien datuak argitaratu ditu ostiral honetan, eta, Ertzaintzaren eta udaltzaingoen datuek erakusten dutenez, %1,2 jaitsi dira arau hauste penalak joan den urteko aldi beraren aldean. Urtarriletik irailera 109.512 delitu erregistratu dira guztira, horietatik %79,6 presentzialak dira eta %20,4 informatikoak.

Genero ikuspegia lan arriskuen prebentzioan txertatzea sustatu dute Osalanek, Jaurlaritzak eta Emakundek

Genero ikuspegia lan arriskuen prebentzioan txertatzea bultzatu dute Osalan Laneko Segurtasun eta Osasunerako Erakundeak, Eusko Jaurlaritzako Ekonomia, Lan eta Enplegu Sailak eta Emakunde Emakumearen Euskal Erakundeak ostiral honetan Euskalduna Bilbao Jauregian antolatutako hiruko jardunaldin. Inaugurazio ekitaldian, gainera, elkartasun eta babes mezua helarazi zaie Urdako (Toledo, Espainia) tren istripuko biktimen familiei eta zaurituei.

Ertzaintza eta udaltzaingoen 593 lanpostuetatik 127 euskara ezagutu gabe bete ahal izango direla salatu du Behatokiak

Eusko Jaurlaritzako Segurtasun Sailak eta Eudel Euskadiko Udalen Elkarteak Ertzaintzarako eta udaltzaingoetarako 593 lanpostuko lan eskaintza bateratua argitaratu dute ostiral honetan, eta, Hizkuntz Eskubideen Behatokiak ohartarazi du horietatik 127k derrigortasun data iraungi gabe dutela (%21,41), eta, beraz, euskararen ezagutzarik ez duten hautagaiek eskuratu ahalko dituztela.

Osakidetzak datorren astelehean irekiko du 2023-2024-2025eko lan eskaintza publikoaren hirugarren faserako inskripzioa

Osakidetzak 2023-2024-2025eko lan eskaintza publikoaren hirugarren fasean izena emateko epea irekiko du datorren astelehenean, azaroaren 2an, Euskal Herriko Agintaritzaren Aldizkarian (EHAA) ostirasl honetan oinarri espezifikoak argitaratu ondoren. Oraingoan, 42 lanbide kategoriatan formalizatu ahal izango da eskabidea, eta azterketak 2027ko otsailetik aurrera egingo dira. Probak egiteko eguna, ordua eta lekua urtarrilean jakinaraziko dira.

Emakundek berdintasun politiketan izandako esperientziak aurkeztu ditu El Salvadorren

Noemi Ostolaza Emakundeko idazkari nagusia nazioarteko misio batean parte hartzen ari da egunotan El Salvadorren, eLankidetza Lankidetza eta Elkartasunerako Euskal Agentziako eta Eudel EuskadikoUdalen Elkarteko ordezkariekin batera, emakumeen erakundeen eta tokiko gobernuen arteko esperientzia truke batean oinarrituta, NBE Emakumeak erakundearen laguntzarekin.

Igandean bukatuko da Donostiako Urrezko Danbor eta Hiritar Merezimenduaren Dominetarako proposamenak aurkezteko epea

Donostiako herritarrek 2027ko Urrezko Danborra eta Hiritar Merezimenduaren Dominak jasotzeko hautagaitzak aurkezteko epea igandean amaituko da, azaroaren 1ean. Berrikuntza gisa, aurten bi aintzatespenen proposamenak aurkezteko fasea aldi berean egingo da, nahiz eta bi aitorpen desberdin eta independente diren, bai beren izaeragatik, bai sari bakoitzak aitortu nahi dituen balio eta printzipioengatik.

EAEko 2027rako aurrekontu proiektua izapidetzen hasi da Eusko Legebiltzarrean

Euskal Autonomia Erkidegoko (EAE) Aurrekontu Orokorren Proiektuak asteazken honetan hasi du izapidetze ibilbidea Eusko Legebiltzarrean, Euskadiko Aurrekontu Proiektua Legebiltzarrean tramitatzen hasi da, Noël d'Anjou Eusko Jaurlaritzako Ogasun eta Finantzetako sailburuak Bakartxo Tejeria Eusko Legebiltzarreko presidenteari formalki entregatu ostean. Hala, Jaurlaritzaren hurrengo ekitaldiko jarduna gidatuko duten kontuen tramitazioa hasi da.

ELAk hiru greba egun deitu ditu Bizkaiko egoitzetan lan kargak murriztea eta langile gehiago kontratatzea eskatzeko

ELA sindikatuak hiru greba egun deitu ditu Bizkaiko egoitzetan eta etxebizitza komunitarioetan azaroaren 19rako, abenduaren 17rako eta urtarrilaren 21erako, lan kargak murrizteko eta langile gehiago kontratatzeko eskatzeko. Sektoreko 5.800 langile baino gehiago mobilizatzera deitu ditu sindikatuak, "hitzarmenaren negoziazioan aurrerapausorik ez dagoelako eta GESCA, LARES eta ELBE patronalek aurkeztutako proposamenengatik", hala nola "lan malgutasuna eta 600 eurotik gorako erosteko ahalmenaren…

Ostalari eta merkatarientzako hizkuntza aholkularitza zerbitzuaren berri emateko kanpaina hasi du Gasteizko Udalak

Gasteizko Udalak 'Euskararekin aberats' kanpainaren edizio berria jarri du martxan, hiriko zerbitzu enpresei, ostalaritza establezimenduei eta saltokiei urte osoan eskaintzen dien hizkuntza aholkularitzako zerbitzuaren berri emateko. Ekimena urrian eta azaroan negozioetan bertan egingo diren dinamizazio ekintzekin osatuko da.

EAEko saltoki eta elikadura kate handietako salmentak %1,0 gutxitu dira irailean

Euskal Autonomia Erkidegoko (EAE) saltoki eta elikadura kate handietako salmentek %1,0 egin dute behera irailean joan den urteko hil beraren aldean, prezio konstanteetan eta egutegiaren eraginak zuzendu ondoren. Aurreko hilabetearekin alderatuta, berriz, salmentek ez dute aldaketarik izan prezio konstanteetan, dagozkien urtaro eraginak kenduta, Eustat euskal estatistika erakundearen datuen arabera.

Gasteizko 21 Zabalguneak gazteentzako alokairuko etxebizitzen programa jarri du abian

Gasteizko 21 Zabalgunea udal hirigintza sozietatearen administrazio kontseiluak Alde Zaharrean gazteentzako alokairuko etxebizitzak sustatzeko programaren oinarriak onartuko ditu ostiralean, urriaren 30ean, udal gobernuaren eta EH Bilduren arteko akordioari esker. Programa 21 Zabalguneak sustatzen dituen blokeetan eta pixkanaka birgaituko dituen blokeetan oinarrituko da, alokairuaren formularen bidez gazteentzako ohiko bizileku iraunkor gisa erabiltzeko.